RoCkY kiDz

Buti na Lang Daw

2007-03-30T14:48:00.000+08:00

Ang text message na ito ay mula sa aking kaibigan...

MARE 1: Grabe na talaga ang pagkamakakalimutin ko. Kapag umaakyat ako sa hagdan, tumitigil ako sa gitna kasi nakakalimutan ko kung aakyat ako o bababa.

MARE 2: Ay naku, buti na lang di ako ganyan (sabay knock-on-wood 3 times). Excuse me lang ha, para kasing may kumatok. Silipin ko lang kung sino.

:p

eKLat

2006-04-03T11:19:00.000+08:00

Isang slang na salita na malalim ang kahulugan. O sige na nga, mababaw lang. Pero depende sa paggamit nito ang kahulugang magbibigay-buhay sa salitang ito. ÉKLAT.

Mahirap ibigay ang saktong kahulugan ngunit maaring ipakasingkahulugan ito sa mga salitang tangi, mahina ang pick-up, slow, utu-uto, walang alam. Mas maganda ang dating sa ingles; NAÏVE.

Iba’t-ibang sitwasyon lumilitaw ang pagiging EKLAT ng isang tao. Sa eskwela, sa bahay, sa trabaho, sa love life, sa desisyon, etc. Ako naman, sa praktikal. Tsk, tsk, tsk.

Ayoko sanang tanggapin pero may pagkakataon na nagiging EKLAT din ako. Alam ko ikaw rin.

Mga Usapang Bobo

2006-02-24T18:34:00.000+08:00

AHAS 1: Makamandag ba tayo?

AHAS 2: Ewan. Bakit?

AHAS 3: Nakagat ko kasi dila ko kanina eh.

* * *

BOY 1: Hulaan mo pangalan ko, nagsisimula sa letter F.

BOY 2: Fred?

BOY 1: Hindi.

BOY 2: Ferdinand?

BOY 1: Hindi rin.

BOY 2: O sige, sirit na!

BOY 1: EFREN!

Enrich Your Vocabulary

2005-11-15T11:34:00.000+08:00

Ang mga sumusunod ay hango sa isang SMS message (o mas kilala sa tawag na text). Hehehe:p

Beehive - (v.) magpakatino; (sentence) Magpakatino ka.
Cattle - (n.) dito nakatila ang hali at leyna.
Contemplate - (adj.) kulang ang mga pinggan.
Deposit - (n.) ang gripo.
Devastation - (n.) sakayan ng bus.
Effort - (n.) dito naglalanding ang efflane.
July - (sentence) Nagsisinungaling ka ba?
Persuading - (n.) unang kasal.
Punctuation - (n.) pera para makapag-enroll.
Shampoo - (n.) bago mag labing-isa.
Statue - (sentence) Ikaw ba yan?
Tenacious - (n.) sapatos na pang-tennis.
Tissue - (sentence) Ikaw nga!

Nawa'y nakatulong ito upang madagdagan ang ating kaalaman sa Filipino. Hehehe...

~ Hindi ka ba nagtataka? ~

2005-10-03T17:08:00.000+08:00

Hindi ka ba nagtataka kung anong tawag sa character na ito?

Oo, yan nga ang tinutukoy ko... Ang guhit sa ñ at Ñ. Napag-alaman ko na ang tawag dito ay "ye". Bakit? Kasi ano bang tawag dito: N? "En" di ba? At dito: Ñ? "Enye" di ba? Eh ano bang nadagdag sa N para maging Ñ? ~ lang di ba? So, "ye" ang tawag dun sa ~ sa ibabaw ng N sa Ñ. Hehehehe.

In algebraic terms:

N + ~ = Ñ

N = En

Ñ = Enye

~ = x

En + x = Enye

En + x = En + ye

x = En + ye - En

x = ye

:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p:p

Ang Alamat ng Gagamba [The Legend of Spider]

2005-09-22T16:58:00.000+08:00

The Untold Story

Noon, may isang batang nagngangalang Biboy. Siya ay sampung taong gulang at malimit na gawing katuwang ng kaniyang mga magulang sa mga gawaing bahay at pangkabuhayan. Ang kanilang pamilya ay may dampa malapit sa ilog at kaibayo nito ang masaganang pinagkukunan—ang pangisdaan ng mga sariwang huli. May munting pantalan sa gawing silangan ng kanilang dampa na nagsisilbing daungan ng bangka at ng mga huli nito. Madalas siyang bilinan ng kanyang ama na italing mabuti ang bangka sa pantalan, upang masiguro na hindi ito matatangay ng agos ng tubig. Dito, tahimik at kuntentong namumuhay ang pamilya ni Biboy.

Sa kabila ng pagsunod, si Biboy ay may taglay na katamaran—mabigat ang kanyang katawan at ayaw niya ng palakad-lakad. Isang pagkakataon, nagbilin na muli ang ama kay Biboy, at saka lumunsad sa gawing patag upang ipangalakal ang mga huling isda. Nagkataong abala noon ang ina sa pangangahoy kaya’t nag-aatubili si Biboy sa pagsunod. Nanghuli muna siya ng mga tutubi at isa-isa itong binalian ng pakpak habang nakahilata sa lilim ng akasya. Kaawa-awang mga tutubi. Maya-maya, natanawan niya ang tumpok ng mga gamu-gamo, nakangisi niyang binulabog ang mga ito hanggang masamid mismo ng insektong napasok sa bibig na nakanganga sa kakatawa. Magtatakip-silim na nang maalaala niyang oras na ng hapunan.

Nangingimay ang mga paa gawa ng matagal na pagkahiga, hindi makatayo si Biboy sa kinalalagyan. Narinig na niyang tumatawag ang ina. Pilit niyang iginalaw ang mga paa; ituro ang langit, ituro ang lupa. Ilang ulit niya itong ginawa hanggang mabawasan ang pamamanhid na nararamdaman.

Hindi inaasahan, biglang lumakas ang agos ng ilog. Dagli-dagling nakalag ang tali ng bangka at tuluyan nang tinangay ng tubig. Pasigaw na tumawag ang ina ni Biboy, “Biboy, ang bangka!” Sumagot ang anak, “Ina, nangingimay po ang aking dalawang paa!” Parang umakyat ang dugo sa ulo ng ina sa pagkarinig ng tugon. Walang pakundangang pinakli, “Tubuan ka sana ng maraming paa nang madali kang makaparine!” Noon din ay nawala sa paningin ng ina si Biboy at nang lapitan, may munting insektong malaki ang katawan at maraming paa ang bibitin-bitin sa punong akasya na natagpuan.

Iyan ang alamat ng gagamba; ang sinapit ni Biboy. Mabigat ang kanyang katawan, mahilig sa gamu-gamo, at malimit magpabitin-bitin na parang nag-uubos ng oras. Higit sa lahat, may mga paang higit sa dalawa, tulad ng sinabi ng kanyang ina.

Trivia: Kung puputulin mo ang isang paa ng gagamba, pigain mo ang pinakaugpungan at mamamasdan mong ituturo nito ang langit. Pakawalan mo ang pagkakapiga at ituturo naman nito ang lupa. Si Biboy nga!

~~Inspired by the Legend of PinYa XD

Saka na yung salin sa Ingles. Tinatamad ako. XP
[I’ll post the English Translation later. I feel lazy.]

Salamat po, Doc!

2005-09-08T17:49:00.000+08:00

Hija: Wow, ang bata-bata nyo pa rin pong tingnan, Lola.
Lola: Hu hu hu [laughs] Uy, salamat.
Hija: 'La, ano po yung parang ribbon sa may batok nyo?
Lola: Hu hu hu [laughs] Naku, tenga ko yan.
Hija: [confused] Ahh... Eh, 'La, bakit mas lumaki ho yata ang noo nyo? In fairness, halata pa rin naman ho yung baby bangs nyo, eh!
Lola: Hu hu hu [laughs] Hija, Kilay ko yun. Hu hu hu [laughs]
Hija: [more confused] Ahh... 'La, napansin ko lang, bakit po ba hindi nyo masyadong maibuka ang bibig nyo? Masyado po yatang maliit?
Lola: Hu hu hu [laughs] Ay naku, pusod ko yan!

>>> MaS mAtiNDi <<<

2005-09-07T09:21:00.000+08:00

Nagpabili ako ng kape kay rocky kid kanina, yung 3-in-1 kako para hindi gaanong matapang. Sabi niya, mas matindi daw ang tama nun. Bakit daw? Kasi raw, di ba ang kape pampanerbiyos, tapos ang gatas pampalakas? E di, ang kapeng may gatas: PAMPALAKAS NG NERBIYOS!

>>> wALa 7aNg <<<

2005-08-23T15:36:00.000+08:00

wala lang sabi...!

Niks, Niks nie ~African
Niks, nihil, niets, niemendal ~Dutch
Nothing ~English
Wala ~Filipino
Rien ~French
Nulla ~Italian
Kotonashi, betsuni, kaimu, suihou, nasshingu ~Japanese
Nusquam ~Latin
Nada ~Spanish

handa ka putot, huli ka sa buntot!

2005-08-16T16:16:00.000+08:00

Usapang Matanda

2005-08-11T17:07:00.000+08:00

Matagal-tagal na rin nang mangyari ang salaysay na ito. Mas maiging bigyang-daan sa paskil ang importanteng mga detalye.

Isang hapon, ako’y matamang nakalagak sa aking silid sa itaas ng bahay. Dumating ang aking tiyo; siya’y lipas na sa kasikatan ng araw, ngayo’y naglalaro sa edad 65-69 at nangyaring namataan niya ang aking lolo na nang panahong yaon ay nasa kabilang ibayo ng sapa. Si lolo’y humigit kumulang na otsenta anyos ngunit talaga namang nasa katikasan pa ng pangangatawan; palibhasa’y batak ang katawan sa gawaing bukid.

Tiyo: Tata!
Lolo: Uy!
Tiyo: Yung ano ho eh sa kuwan na lang daw ho ano.
Lolo: Ah? Ahh, sinabi ko na ke kuwan. Sa ano na lang daw.
Tiyo: Oho. Nung kuwan eh naano ko na. Eh pano ho, sa ano na lang.
Lolo: Oo. Pagkakuwan, aanohin ko na lang rin para maano.
Tiyo: Oho.
Lolo: Sige.

Matapos ang kanilang usapan, pailing-iling kong pinag-isipan ang lalim ng mga detalyeng kanilang napag-usapan. Siguro nga yan ang tinatawag ng ‘usapang matanda’.

"Come, eat our house!"

2005-08-06T19:23:00.000+08:00

Last night, it was confirmed... Our bestest friend and eternal classmate just live nerby... Thinking us to invite him to come and eat our house... If agree him, we would gladly kill him... kill him five chickens! We would also ask him to eat the cow and the pig! If he wants, we would gladly cook him!

(Last night, it was confirmed... Our best friend and long-time classmate just lived nearby... We were thinking of inviting him to come over for dinner... If he agrees, we would gladly cook five chickens for him! We would also offer him beef and pork! If he wants, we would gladly cook them for him!)

Nakakalito (confusing!)

2005-08-05T11:48:00.000+08:00

Bakit kailangan mong pagbukud-bukurin bago lutuin ang hiniwa-hiwang gulay samantalang ilalagay mo rin naman lahat sa kawali?

[Why do you have to separate cut veggies when you will throw them all in the pan later?]

Once upon a time

2005-08-04T18:15:00.000+08:00

May mga batang maraming ginagawa pero nagawa pang gumawa ng blog na ito. Sila ang mga Rocky Kidz. Ngayon, kasalukuyan silang naghahasik ng lagim [not the evil sense]...

Welcome, sa outlet ng kanilang mga kawirduhan....

[There were kids who have a lot to do yet managed to make this blog. They were known as the Rocky Kidz. Now, they are spreading their follies...

Welcome to the outlet of their weirdness....]